கூலிமில் விமான நிலையம்... சீன நிறுவனத்துடன் சனூசி பேச்சுவார்த்தை!

top-news

கெடா, ஜூன் 10: கூலிம் சர்வதேச விமான நிலையத் திட்டத்தின்  பங்காளியாக செயல்பட உள்ள சீனா ஹெனான் விமான நிலைய குழுமத்தின் பிரதிநிதிகளுடன் கெடா முதல்வர் சனுசி நோர் நேற்று கலந்துரையாடினார்.

கெடா ஏரோட்ரோபோலிஸ் விமான நிலையம் மற்றும் கோலா மூடாவில் உள்ள தொழில்நுட்ப நகரத்தின் கூறுகளில் ஒன்றான விமான நிலையத் திட்டத்தை நிறைவேற்றுவது குறித்து பல்வேறு விஷயங்கள் விவாதிக்கப்பட்டதாக சனுசியின் செய்தித் தொடர்பாளர் முஹமட் மாட் யாகிம் முகநூல் பதிவில் குறிப்பிட்டுள்ளார்.

கோலாலம்பூர் சர்வதேச விமான நிலையம் மற்றும் ஹெனான் மாகாணத்தின் தலைநகர் ஜெங்ஜோவுக்கு இடையே புதிய விமான சரக்கு வழியைத் திறப்பதற்கான ஒப்பந்தத்தில் மலேசியா ஏர்போர்ட்ஸ் ஹோல்டிங்ஸ் கையெழுத்திட்ட ஒரு நாளுக்குப் பிறகு இக்கூட்டம் நடைபெற்றது 

சீன நிறுவனம் தற்போது Zhengzhou விமான நிலையத்தை நிர்வகிக்கிறது. இது சீனாவின் மிகப்பெரிய விமான சரக்கு மையங்கள் மற்றும் புடாபெஸ்ட் மற்றும் லீப்ஜிக்கில் உள்ள விமான சரக்கு முனையங்களில் ஒன்றாகும்.  ஆசியாவில், குறிப்பாக மலேசியாவில்  இதனை விரிவாக்கத் திட்டமிட்டுள்ளதாக நிறுவனம் கூறியுள்ளது.

கடந்த மாதம், போக்குவரத்து மந்திரி அந்தோணி லோக், கூலிம் விமான நிலையம் தொடர்பான இரண்டு சாத்தியக்கூறு ஆய்வுகள் சமர்ப்பிக்கப்பட்டுள்ளதாகவும், தேசிய விமான நிலையங்களின் அடிப்படை திட்டத்தை உருவாக்கும் ஆலோசகர்களால் ஆய்வு செய்யப்படும் என்றும் கூறினார்.

இதனிடையே, மார்ச் மாதம், விமான நிலையத் திட்டத்திற்கான நிலம் கையகப்படுத்தும் பணிகளைத் தொடர, போக்குவரத்து அமைச்சின் ஒப்புதல் தேவை என்று சனுசி கூறினார்!

https://tamilmalar.my/public/uploads/images/photogallery/maanphotogallery11042024_014825_%E0%AE%B5%E0%AE%BF%E0%AE%B3%E0%AE%AE%E0%AF%8D%E0%AE%AA%E0%AE%B0%20%E0%AE%87%E0%AE%9F%E0%AE%AE%E0%AF%8D.png

Leave a Reply

Your email address will not be published. Required fields are marked *

தேடல்

செய்தி வகை

குறிச்சொற்கள்

சமூக இணைப்புகள்