• Shan Siva
• 17 Dec, 2024

கோலாலம்பூர், டிச 17, : சபாவின் 11வது ஆளுநராக நியமிக்கப்பட்டதற்கு ஒப்புதல் அளித்த மாமன்னர் சுல்தான் இப்ராகிமுக்கு மூசா அமான் நன்றி தெரிவித்துள்ளார்.

பிரதமர் அன்வார் இப்ராஹிம் மற்றும் சபா முதல்வர் ஹாஜி நூர் ஆகியோருக்கும் அவர் தனது முகநூலில் நன்றி தெரிவித்தார்.

 இன்று முன்னதாக இஸ்தானா நெகாராவில் நடந்த விழாவில், மூசாவுக்கு "துன்" பட்டம் கொண்ட ஸ்ரீ மகாராஜா மங்கு நெகாரா விருதும் வழங்கப்பட்டது.

சபா கவர்னராக மூச நான்கு ஆண்டுகளுக்கு, ஜனவரி 1, 2025 தொடங்கி டிசம்பர் 31, 2028 வரை தொடர்வார்.

73 வயதான மூசா, சபாவின் நீண்ட காலம் முதல்வராக இருந்தவர். அவர் முதன்முதலில் மார்ச் 27, 2003 அன்று மாநிலத்தின் 14 வது முதலமைச்சராக பதவியேற்றார், மேலும் மே 12, 2018 வரை தொடர்ந்து ஐந்து முறை உயர் பதவியில் இருந்தார்.

அவர் 1994 முதல் 2020 வரை ஆறு முறை சுங்கை சிபுகா சட்டமன்ற உறுப்பினராக இருந்தார் மற்றும் மாநில நிதியமைச்சர் உட்பட முக்கிய பதவிகளை வகித்துள்ளார்.

ஆஸ்திரேலியாவின் எடித் கோவன் பல்கலைக்கழகத்தில் வணிக நிர்வாகத்தில் முதுகலைப் பட்டம் பெற்றவர் என்பது குறிப்பிடத்தக்கது!