‘கோர்ட்’ தமிழ் ரீமேக் ‘ரஞ்சன்’ – அதிகாரப்பூர்வ அறிவிப்பு வெளியீடு
- Surendran Sumdraraj
- 07 Apr, 2026
சென்னை
தெலுங்கில் நடிகர் நானி தயாரிப்பில் வெளியான ‘கோர்ட்’ திரைப்படம் தமிழில் ரீமேக் செய்யப்படவுள்ளதாக நீண்ட நாட்களாக பேசப்பட்ட நிலையில், தற்போது அதற்கான அதிகாரப்பூர்வ அறிவிப்பு வெளியாகியுள்ளது.
தமிழ் பதிப்புக்கு ‘ரஞ்சன்’ என தலைப்பு வைக்கப்பட்டுள்ளது. இந்த படத்தை நடிகரும் இயக்குநருமான தியாகராஜன் இயக்குகிறார். இவர் முன்பு இயக்கிய ‘அந்தகன்’ படத்தைத் தொடர்ந்து இந்த புதிய திட்டத்தை மேற்கொண்டுள்ளார்.
மூலப்படமான ‘கோர்ட்’ திரைப்படம் அதன் கதை மற்றும் நீதிமன்ற பின்னணியால் ரசிகர்களிடம் நல்ல வரவேற்பைப் பெற்றது. அதே எதிர்பார்ப்பில் தற்போது தமிழ் ரீமேக் ‘ரஞ்சன்’ உருவாக உள்ளது.
படத்தின் நடிகர் பட்டியல், படப்பிடிப்பு தொடக்க தேதி உள்ளிட்ட மேலதிக விவரங்கள் விரைவில் அறிவிக்கப்படும் என படக்குழு தெரிவித்துள்ளது.
இந்த அறிவிப்பு, தமிழ் திரைப்பட ரசிகர்களிடையே பெரும் எதிர்பார்ப்பை உருவாக்கியுள்ளது.
Leave a Reply
Your email address will not be published. Required fields are marked *
தேடல்
செய்தி வகை
