• Tamil Malar (Reporter)
• 15 Feb, 2025

கோலா சிலாங்கூர், பிப் 15: பிகேஆரின் இரண்டு உயர் பதவிகளை போட்டியின்றி விட்டுவிடும் உயர்மட்டத் தலைமையின் முடிவில் தலையிட மாட்டேன் என்று பிரதமர் டத்தோஸ்ரீ அன்வார் இப்ராஹிம் இன்று தெரிவித்தார்.

பிகேஆர் தலைவர் மற்றும் துணைத் தலைவர் பதவிகள் போட்டியின்றி நீடிக்கக்கூடும் என்ற ஊகங்களுக்கு பதிலளிக்கும் விதமாக, கட்சித் தலைவருமான அன்வார், இந்த முடிவு முழுக்க முழுக்க கட்சி உறுப்பினர்களிடமே உள்ளது என்றார்.

அவர்கள் முடிவு செய்யட்டும். நான் (முடிவில் தனிப்பட்ட முறையில் தலையிடவில்லை). ஜனநாயகம் அதன் போக்கை எடுக்கட்டும் என்று அவர் கூறினார்.

போட்டியிடுவதா இல்லையா என்பது அவர்களின் சொந்த முடிவு என்று அவர் இன்று பெஸ்தாரி ஜெயாவில் நடைபெற்ற ரெசிடென்சி ராக்யாட் திட்டத்தின் (பிஆர்ஆர்) அடிக்கல் நாட்டு விழாவிற்குப் பிறகு செய்தியாளர்களிடம் கூறினார்.